Koalicion me Limajn? Kurti: Nuk i kemi ndryshuar qëndrimet ndaj kundërshtarëve

11:41 | 4 Mars 2025
E.K

Kryeministri Albin Kurti është pyetur lidhur me formimin e qeverisë së re dhe mundësinë e një koalicioni me partinë NISMA, të udhëhequr nga Fatmir Limaj.

Ai ka theksuar se partia e tij do të presë certifikimin e rezultateve të zgjedhjeve dhe, pas këtij procesi, do të shqyrtohen hapat e mëtejshëm.

Kurti ka theksuar se, për momentin, nuk ka ndryshuar qëndrimi i LVV-së ndaj kundërshtarëve politikë.

I njëjti ka thënë se LVV ka dalë fituese në zgjedhje, dhe se ai që fiton ‘‘duhet dhe do ta formojë qeverinë’’.

‘‘Së pari ne presim certifikimin e rezultateve dhe pastaj do të ulemi dhe të shikojmë për rrugën përpara. Mirëpo nuk ka ndryshuar situata që ne të kemi qëndrime të tjera sa i përket kundërshtarëve tanë”, tha Kurti./Arbresh.info